الإخوان أهم رجعوا
يا مصرنا اطمني الإخوان أهم رجعـوا
- عن دعوة الحـق لا يمكن حيتراجعـوا
حيفكروكي بجهـادهم واللي كان منهم
- حيفوتولك تهـاونك ف الدفـاع عـنهم
وحيقــولولك بأن السعد خدامـك
- لو مسلمينك حيتعامـلوا بأصـول دينهم
وحيثبتولك بأن النصر من ربـك
- لو قلتي يا رب لازم ينتهي كـربك
الله أكبر بهـا جيشـك سحق بارليف
- والنصر من ربـنا كان من سمـات حربك
حيخلوا جيل الخنافس يعرفوا أصولهم
- وقلوب شبابك بنور الحـق توصلهـم
حيزرعـولك قيم نادي بها الإسـلام
- ويعـود عليـكي بغني يا مصر محصولهم
حيقـولوا يانشء دينك مسـتواه عالي
- بلاش تقـلد شذوذ الغـرب طــوالي
بلاش مبـادئ بنارها ينـكوى ناسها
- ويزيفـوها لنـا تـبرق وبــلا لي
لو أن أهـل القـرى آمنوا بمولاهم
- يفتـح عليهم نعم كـبرى حتمـلاهم
لكن أملهم ف غير الواحـد القهـار
- هو اللي خلا بلاد الكـفر تعـــلاهم
فاكرانا يا مصر لمـا ليكي أخلصنا
- والشعب قال أنكم بالحــق أخلصـنا
اشتـد حقـد الصنم وبكل سلطاتك
- هاجمنـا يا مصر كان عـاوز يخلصنـا
ياما تهمـنا وياما غـش واتبلي
- فـوق علينا تهم بالـكذب ما خــلي
نصب مشانق لنا وجاب اللي قيه فينا
- لحـد ما ضيعـك ف الحـرب والغـله
بكل صدق اسمعوني يا أولي الألباب
- اللي علينا جـري أبدا مالوش أسبـاب
ماقدرش يجمع قلوب المخلصين حواليه
- قال مش ضروري ف بلدنا يبقي فيه أحباب
وادي ارتباطنا علي دين الهدي خلاه
- يأمر كـلاب الـبشر واللي اسمهم جهلاه
مفيش قلوب تجتمع أبدا علي غيري
- ولو يكـون اجتماعـهم في سبـيل الله
ولما قالوا ارتباطهم جـد يا ريس
- قال اجمعـوا حـقدكم وأسلحـوا كـويـس
وكل ما في البلد يخضع لسلطانكم
- أصـغر معـاون لـكم يعـلا ويـتريس
وتحت ايدكوا الصحافة وجندوا أقلام
- :: ولطخـوهم قـوي ف النشر والإعـلام
قوالوا أعادي وقولوا بأنهم خـونه
- عاوزين يبيعـوا البـلد وبيدعـوا الإســلام
قـولوا بأن النـبي منهم يتبـرى
- عاوزين يدينوا البـلد ما يخلوهاش حـرة
هاتوا مشايخ يقولوا بأنهم ضـلوا
- مـايعـرفوش النبي والشـرع بالمره
قولوا فلان اعترف إن الملك علان
- مول جهازنا وقولوا إن الملك زعلان
قولوا فلان الفلاني كان عميل جونسون
- ولـو جهازهم نـجح راح يعمـلوا إعـلان
قولوا فلان اجتمع باللي اسمهم قواد
- وحط إيدهـم علي سلاحـهم وع الـزواد
خطط وقال اثبتوا وكونوا علي استعداد
- لـكن عليهم قبض رائد من الـرواد
وقولوا حاربوا إنما صوري وغير جادين
- مـكانش لـجل البلد أو في سبـيل الـدين
لكن بيدربوا علشان يحـاربـونا
- وكانـوا دايـما علي سيادة الرئيس حـاقدين
وف كل مصحف لقينا مدفعين رشاش
- حـايزين قـنابل وكـانوا بيـربطوها بشـاش
وفيه مخطط لقتل المشهورين في الفن
- وكان حـيبقـي لجميـع الفنانيـن قشــاش
ما تضيعوش وقتكم واستوردوا كرابيج
- من أي مصدر هـاتوها ف طيـارات الميج
وحبال عشان المشانق واشتروا أسياخ
- وشـوفوا مـن يعمـلوا للحـيثيات تـدبيـج
والجلد يبقي من الخنصر إلي الخدين
- وتنفخـوهـم وسـووهم عــلي الـيديـن
وجندولهم حرس أسفل من الشيطان
- ما تبطلوش الأذى أبـدا وسـب الدين
وإن حد صلي اهجموا حالا علي مصلاه
- وعذبـوا كل مـن يـنده عـلـي مـولاه
لحوا عليهم وقولوا ربكم راح فيـن
- :: علشان تـهزوا ثـقتهـم فـي الـنبي والله
قلولهم احنا حنسجن ربنا بتاعكم
- لو بيجـي ف السـجـن مـنا مـش حـيمنعـكم
خلوه يأكد وجوده ويستجيب ليكم
- رئـيسنـا هــو اللي يشفيكـم وينفعكـم
لازم في عهدي تموت اللي اسمها رحمة
- تحيـا المشـانـق وحنخلـي السـجـون حجمه
والشعب لازم يطاطي تحت رجلينا
- وإن حـد فضفض حا اخليها جحيـم واحمـي
جنودنا هما علي وماهر وأبو دنيا
- وهمـا أيضا جنودنـا ف خمسـة من يونيـه
لا حد غيرهم ولا وارد من الخارج
- ولادنـا جاهـدوا وجابـوا النصـر وف ثانية
مكانش لينا هدف نصنع لواحد صيت
- مفيش مراكز قوي أو مسئولين طواغيـت
مفيش تعالي من القائد علي الجندي
- لا حد جاهـل ولا قصـر وقـال يا ريـت
وكان وزير المعارك ع الخطط سهران
- مكانش صـاحب مطـامـع كالوزير بدران
الله أكبر شعـار الشعـب والقـوات
- والله أكبر ف يـونيه شافـت النكــران
شهادة الحق بنقولها برضي وضمير
- كل المــواقف بنوزنــها وبالقــطمير
ويا عيني لو يا بلدنا يحكم القرآن
- يبقي انتصـارنا كـبر ف الحــرب والتعمــير
تعمير بلدنا بأيادي ترفع البنيـان
- تعمير عقولــنا بنـور العلـم والإيمـــان
تعمير قلوبنا بمبادئ مجتمع فاضل
- يرعي حـدود الشـرف لا مجتـمع هـيمــان
أمانة يا مصر قولي الحق ماتخبيش
- إن حـد قـال أنكـرى يا مصـر مـا تلبيش
كل ابن أدم حيفني والدوام لله
- غيـر اللي جـاهـدوا بشرف يا مصـر ماتخبيش
يا اللي افتكرتوا أننا ولينا وخلصنا
- ومفيـش ورانـا قـوى تقــدر تخلصـنا
وبتسألوا نفسكم إيه اللي نجاهـم
- إحــنا جنـود الهـدي نجانــا إخـلاصنا