عرض مصدر مشاهد من المهزلة

'''<center><font color="blue"><font size=5>مشاهد من المهزلة</font></font></center>'''


==مقدمة==

صادرت المحكمة الأوراق التي كان من المفترض أن نقدم منها تقريرنا التفصيلي عن اليوم ولكن .. رفعت في مطبات استطاع أن يسجل تفاصيل اليوم

==بداية اليوم==

بدأ احتشاد أهالي المعتقلين منذ الصباح الباكر فى حوالي الساعة الـتاسعة وحتى الساعة 11 من صباح اليوم فى مقر المحكمة العسكرية بالقرب بالهايكستب على طريق [[مصر]] اسماعيلية.

بدأت اتوبيسات القوات المسلحة تنقل الأهالي من أمام البوابة الرئيسية للمعسكر الذي توجد به المحكمة وحتى مقر المحكمة على بعد بضع كيلومترات من البوابة الرئيسية وقد استغرق ذلك ما يقرب من خمس ساعات بين وصول الأهالي للوحدة العسكرية ودخول آخر مجموعة في تمام الساعة الواحدة والنصف ظهراً .
وقد توقفت الأتوبيسات لإتمام تفتيش الركاب والتأكد من عدم وجود أي ممنوعات معهم ( تليفونات – كاميرات .. ) .. .

عندما جاء الأتوبيس الذي يقل السيدات ( أزواج وأمهات وأخوات وبنات المعتقلين ) منعوا من الدخول إلى مقر المحكمة بحجة أن القاضي أمر بذلك.

تحركت اتوبيسات الأهالي الذين سمح لهم بالدخول إلى مقر المحكمة العسكرية العليا ، وعندما وصلوا إلى المحكمة تم إدخالهم بعد عملية تفتيش سريعة أخرى.

==داخل قاعة المحكمة==

[[ملف:زوجات المعتقلين فى الاتوبيس للوصل للمحكمه.jpg|تصغير|250px|يسار|'''<center>زوجات المعتقلين فى الاتوبيس للوصل للمحكمه</center>''']]

عندما دخلنا إلى قاعة المحاكمة ، شاهدنا شرفاء [[مصر]] من [[الإخوان]] وقد احتشدوا داخل قفص ضيق جدا داخل القاعة.

حيث ينقسم القفص إلى أقفاص صغيرة يتسع كل منها إلى 3 أو 4 أفراد بشكل لا يسمح للأهالي برؤيتهم إلا بصعوبة بالغة.

وقد بدا المهندس [[خيرت الشاطر]] النائب الثاني [[المرشد العام|للمرشد العام]] [[للإخوان]] في مقدمة القفص ومعه رجل الأعمال [[حسن مالك]] والمهندس [[مدحت الحداد]] ... في حين جلس باقي الإصلاحيين [[الإخوان]] فى القضية في الأقفاص التي تليهم داخل القفص.

دخل القاضي العسكري برتبة لواء إلى قاعة المحكمة العليا ومعه عضوي اليمين والشمال ( رتبة عميد ) والمدعي العام العسكري وقام جميع الحضور داخل القاعة وقوفا حتى جلس القاضي لبدأ المحاكمة.

بدأ القاضي في مناداة أسماء الإصلاحيين [[الإخوان]] في قضية غسيل الأموال بمن فيهم رجال الأعمال الموجودين بالخارج مثل المهندس يوسف ندا ، أحمد عبدالعاطي ... حتى أتم النداء على جميع من فى قفص الاتهام من [[الإخوان]]

ثم أتاح للمدعي العام أن يسرد تفاصيل الاتهامات الموجهة لهم مثل:

:- الانتماء لجماعة محظورة تتخذ من الإرهاب وسيلة لتحقيق اهدافها

:- غسيل الأموال واستثمارها في مشروعات غير مشروعة لتغيير أصل المال 

:- إدارة أنشطة بقصد تمويل الجماعة

:- حيازة سلاح وذخيرة بدون ترخيص.... 

وبناءا عليه فإن المدعي العام وطبقا لقانون مكافحة غسيل الأموال وغيره من القوانين الأخرى التي تدين مثل تلك الأفعال فإنه قد طلب إحالة المتهمين إلى القضاء العسكريّ وذلك بعد أن تم التحقيق مع المتهمين أمام النيابة (على حد قوله)

وهنا قام المهندس [[خيرت الشاطر]] مقاطعا المدعي العام:

:يا فندم احنا متححقش معانا.. .إحنا هنا 32 واحد موجودين لم يتم التحقيق مع 16 واحد فينا.. يعنى في 16 واحد هنا النيابة مشفتش شكلهم أصلا... يبقى إزاى حضرتك هيتعرضوا على المحكمة اليوم وهم لم يتم التحقيق معهم أصلا ؟؟ القاضي: استني يا ا/ محمد وهسمحلك بالكلام. 

[[خيرت الشاطر|الشاطر]]: يا فندم أنا عندي حاجتين فقط عايز أقولهم... 

أولا: زي ما قلت لحضرتك في 16 واحد لم يتم التحقيق معهم نهائيا وتم إبلاغهم بمثولهم اليوم أمام المحكمة زي اللى اتحقق معاهم بالظبط .. والمدعي العام بيقول إنه حقق معاهم وده ( كذب ) ومحصلش ولا يجوز عرضهم أمام المحكمة إلا بعد أن يتم التحقيق معهم.

ثانيا: أطالب سيادتك بالسماح لأهالينا وزوجاتنا اللى منعوا من الدخول إلى القاعة ان يتم إدخالهم والسماح لهم بالحضور. 

القاضي: حاضر..الشرطة العسكرية تسمح لزوجات المتهمين بدخول القاعة... جلسة اليوم جلسة علنية ومسموح لأي حد الحضور. 

يتحرك أفراد الشرطة العسكرية نحو باب القاعة

القاضي: دلوقتي هنبدأ نسمع من أعضاء الدفاع أقوالهم.

[[الإخوان]]: مفيش أعضاء دفاع لإننا ملحقناش نوكل أى حد محامي لأننا تم إبلاغنا بالجلسة الساعة 12 منتصف الليل أول أمس...ومفيش أى محاميين موجودين .

القاضي: طيب احنا هنسمع منكوا الكلام اللى عايزين تقولوه دلوقتي بدل هيئة الدفاع. (وبدأ القاضي في مناداة واحد واحد من الإصلاحيين في القضية لسماع أقواله)

القاضي: ا / محمد [[خيرت الشاطر]]...اتفضل

[[خيرت الشاطر|الشاطر]]: يا فندم ..احنا نربأ بالقضاء العسكري إنه يكون واقع تحت سلطة أجهزة أمن الدولة وسلطة الحكومة التي تعاملنا في قضية سياسية وليست غسيل أموال أو غيره ، واحنا نبرأ أن يكون القضاء العسكري خصم لينا في قضية بيننا وبين النظام ، واحنا مدنيين ولا علاقة لنا بالمحكمة العسكرية ولا يجوز أن نمثل امامها مع احترامنا الكامل للقضاء العسكري وثقتنا في رجال الجيش الذين مهمتهم حفظ البلاد من أعداءها لا من أبناءها المخلصين.... يا فندم احنا دلوقتي 32 موجودين هنا في 16 متعرضوش للتحقيق نهائيا. 

القاضي: يا ا/ خيرت حضرتك تتكلم عن نفسك ويا ريت ما نكررش نفس الكلام...

[[خيرت الشاطر|الشاطر]]: يا فندم النيابة معملتش الإجراءات بشكل دستوري.. إحنا مش حبوسين أصلا لأن في قرارات بالإفراج عننا صادرة اكثر من مرة ولا يجوز الاحتفاظ بينا داخل الحبس.

القاضي: المتهم [[حسن مالك]]...اتفضل.

[[حسن مالك]] :أنا يا فندم استدعيت للنيابة العسكرية 5 مرات ولم يتم التحقيق معي ولا مرة ، وكمان لم يتم إعلامي بالإحالة إلا الساعة 12 بالليل أول أمس ... وبالطيع ملحقتش أوكل أي محامي خاصة وإن أمس كان عطلة رسمية فى البلد بسبب عيد تحرير سيناء. 

القاضي : المتهم عصام حشيش ...يتفضل

[[عصام حشيش]] : أنا يا فندم لم يتم التحقيق معي حتى الآن ... وأنا ألتمس الإفراج عني ، أنا بعمل أستاذ فى كلية الهندسة جامعة [[القاهرة]] ، وتم اعتقالي على ذمة التحقيق وتم إحالتي اليوم أمام المحكمة دون تحقيق أمام النيابة أصلا.

القاضي: المتهم فريد جلبط....اتفضل

جلبط: يا فندم انا أستاذ قانون دولي وتشريعات وحقوق الإنسان ... وبعد انتهاء محاضراتي فى الجامعة يوم 14ديسمبر تم اختطافي من بنزينة فى الطريق من بين أولادي وزوجتي بواسطة قوة أمنية لم تعلن عن هويتها ، وبعدها اخدت قرار من القضاء بالإفراج الفوري ولم يتم الإفراج عني ، ثم صدر قرار اعتقال من أمن الدولة وبعدها تم إلغاء أمر الاعتقال مرة ثانية... وانا راجل قانون دولي وحقوق إنسان ... يا ريس المادة 168 في الدستور تمنع وقوفي هنا ، أنا مختطف ووضعي هنا غير قانوني.

القاضي: المتهم صادق الشرقاوي... اتفضل

صادق: يا فندم أنا - كما قال الإخوة هنا- صدر أمر بالإفراج عني ووجودي داخل الحبس غير قانوني وأنا منتظر من سيادتك الأمر بالإفراج عني فورا. 

أصوات من الحضور تطالب بدخول زوجات وبنات المعتقلين الذين لم يتم إدخالهم بالرغم من أمر القاضي بالسماح لهم القاضي: أفراد الشرطة يسمحوا لأهالي المتهمين بالدخول والحضور...ويا ريت حد يجيب مياه للمتهمين [[الإخوان]]: احنا صايمين. القاضي: صايمين ؟؟ طيب خلاص ... نكمل ..

المتهم [[خالد عبدالقادر عودة]]...اتفضل. 

عودة: أنا يا فندم أستاذ بقسم الجيولوجيا ، عضو بالجمعية الجيولوجية ال[[مصر]]ية ، والجمعية الجيولوجية الأفريقية ، والجمعية ال[[مصر]]ية للحفريات ، والجمعية الدولية للإستراتجرافيا ، وعضو الفريق الدولي للجنة الدولية لإستراتجرافيا الباليوجين ، ورئيس الفريق الجيولوجي ال[[مصر]]ي في المشروعات العلمية الدولية المشتركة على جنوب [[مصر]]، والباحث الرئيسي ال[[مصر]]ي للفريق الدولي المشكل لحماية آثار وجه قبلي...تم اختطافي وانا أقوم بالبحث العلمي في منطقة جنوب الأقصر ...

وفي نفس الأسبوع الذي يتم فيه تكريمي من رئيس الورزاء أحمد نظيف على مجهوداتي العلمية تم فيه خطفي وإلقائي في الحبس وتلفيق التهمة إلى وتحويلي للمحاكمة العسكرية ، بثلاث تهم مختلفة: الأولى:الانتماء إلى جماعة [[الإخوان]] المسلمين... اليوم يا فندم توجه إلى تهمة الانتماء [[للإخوان]] المسلمين أونا عمري 63 عاما...وأنا ابن الشهيد [[عبدالقادر عودة]] الذي حكم عليه بالإعدام .. 

ولم توجه إلى تهمة الانتماء [[للإخوان]] لا في عهد [[عبدالناصر]] ولا في عهد السادات ولا طوال عهد الرئيس مبارك إلا في هذه الأيام الأخيرة الماضية... ويتم تحويلي إلا المحاكمة العسكرية بتهمة أخرى هي غسيل الأموال؟؟!! 

أنا يا فندم أتحدى ان يثبت ضدي دليلا واحدا على موضوع غسيل الأموال وأتحدى يا سيادة القاضي ان يكون هناك إثبات في الأوراق لدى سيادتكم بهذه التهمة.

القاضي: المتهم مدحت الحداد....اتفضل

[[مدحت الحداد]]: يا سعادة القاضي...انا من ساعة ما تم اعتقالي وتوجيه تهمة غسيل الأموال وأنا بطلب من نيابة أمن الدولة إنها تقولي أنا غسلت كام؟؟ يعني أنا متهم بغسيل كام من الأموال..والأموال دي أنا جبتها منين حتى؟؟ يا فندم محدش لحد دلوقتي وجه إلى تهمة محددة بمبلغ أو حاجة معينة في قضية الغسيل دي...وده يوضح إن التهمة ملفقة وإن النيابة نفسها متعرفش حاجة؟؟

(وبانفعال تابع الحداد قائلا)

مين اللي المفروض يحكم [[مصر]]؟؟

الشرفاء اللي بيعملوا من أجل مصلحة البلد...ولا الحرامية والفاسدين...احنا أصحاب الحق في البلد دي.
(يتدخل المدعي العام مقاطعا ويوجه كلامه إلى القاضي قائلا: أنا هعرض على سيادتك تقرير غسيل الأموال الصادر عن النيابة)

وهنا تتعالى أصوات المتهمين من داخل القفص بسبب اعتراضهم على كلام المدعي العام حيث قالوا إن التقرير لم يصدر أصلا عن النيابة وأنهم لم يتم إطلاعهم على أي تقرير صادر

[[خيرت الشاطر|الشاطر]]: يا فندم التقرير أصلا لم يصدر...وأنا متأكد إن المدعي العام قام بكتابته دلوقتي 
(تتعالى الأصوات...حسبنا الله ونعم الوكيل)

(تتعالى أصوات الحضور يطالبون بدخول أهالي وزوجات المعتقلين)

القاضي: يا جماعة أفراد الشرطة يسمحوا فورا بدخول الأهالى المكان هنا متسع والجلسة علنية.

[[الإخوان]] من القفص: الشرطة مش عايزين يسمعوا كلامك يا فندم (تتعالى ضحكات الحضور)
القاضي: نتابع الاستماع..المتهم محمود مرسي...اتفضل

[[محمد مرسي|مرسي]]: أنا يا فندم من الـ 16 اللي لم يتم عرضهم على النيابة وعايز أعرف دلوقتي انا بأي صفة أحال للمحاكمة...

أنا تم الحكم بإخلاء سبيلي ثلاث مرات حتى الآن....يا فندم أطالب المدعي العام العسكري إنه يحلف اليمين على إنه حقق معانا زي ما بيقول.

[[خيرت الشاطر|الشاطر]] (مقاطعا): لو سمحت يا سعادة القاضي علشان دي نقطة جوهرية وفاصلة فى الموضوع...إحنا بنطالب دلوقتي المدعي العام بإنه يحلف اليمين على إنه تم التحقيق معنا 

معنى إن القضاء المدني ينصفنا بهذا الشكل وإن النظام يعجز عن إنه يخلص الموضوع بالقضاء المدني ده معناه إن النظام عاجز عن المواجهة القضائية بالقانون فبيلجأ للعسكري

يا فندم إحنا بنبرأ بالقضاء العسكري إنه يتحمل قاذورات النظام الفاسد اللي بيعاملنا كخصوم ليه...يا سعادة القاضي إنتوا أشرف من 
ذلك

القاضي: المتهم اسامة شربي...اتفضل.

شربي:أنا يا فندم مدير شركة للسياحة ، ونحن نحترم جميع المؤسسات والهيئات وانا طلعت السة دي رحلة الحج مع الشركة ولما رجعت جم أفراد مباحث أمن الدولة على مقر الشركة وتهجموا على الخزنة وكسروها وأخدوا كل فلوس الشركة...

يا فندم إذا كنا احنا اعتقلنا على خلفية احداث الأزهر ، وطلبة الأزهر أنفسهم اخدوا إفراج فى القضية وطلعوا براءة يبقى إزاى احنا نفضل محبوسين إذا كان جسم القضية أخد براءة؟؟

يا فندم كيف يحاكم الجواسيس أمام القضاء المدني ويحاكم الشرفاء أمام القضاء العسكري؟؟

القاضي: المتهم أحمد النحاس....اتفضل.

النحاس: لو اتكرمت يا سيادة القاضي...لو سمحت فهمني الاتهامات بتاعتي...يعن أيه اشتراك في غسيل الأموال....أنا كل ما أطلب من نيابة أمن الدولة يفهمني التهمة بالظبط ما يفهمنيش حاجة...ما هو كدة حاجة من الاتنين

يا إما الظابط مش فاهم حاجة

يا إما هو متعمد ميفهمنيش التهمة 

أنا حتى الآن لم يحقق أحد معي سوى نيابة أمن الدولة, ولما ظابط أمن الدولة أنه التحقيق معايا قلتله: إنت هتنام إزاى وانتا عارف إنك هتحبسني منغير وجه حق,أنا هقف قدامك يوم القيامة واختصمك قدام الله عز وجل اللي مابيضيعش عنده حقوق...وأنا مش مسامحك ولا ولادي مسامحينك ولا أبويا وأمي مسامحينك
القاضي: المتهم التالي.... ..اتفضل

يا فندم أنا لحد النهاردة لم توجه إلى تهمة محددة بالمبلغ اللى انا متهم بغسيله.. وأنا وقفت قدام عضوي اليمين والشمال اللي قاعدين دلوقتي جنب حضرتك علشان يقولولي أنا غسلت كام...محدش فيهم عارف يقوللي.

والله العظيم يا سيادة الرئيس أنا أبرأ بالقضاء العسكري والمؤسسة العسكرية إنها تدخل في خصومة معنا
يا فندم أنا عايز أحكي قصة صغيرة لعل يكون فيها عبرة

أحد أبناء البرامكة سأل أبوه بعد ما كان أبوه أمير ووالي على البلاد وبعدين وضع في السجن هو وابنه...

فالابن بيسأل أبوه بيقوله:

يا أبت أبعد ما كنا فيه من العز..أبعد هذا العز من ذل (يعنى يا سيادة القاضي بعد التشريفات 

والرتب وتعظيم سلام يا فندم واخترناك ومشينا وراك والكلام ده كله...هل الواحد هيرجع ما بإيده حيلة؟؟
الأب قال: نعم يا بني

الابن: كيف ياأبت؟؟

الأب: قال يا بني أمازلت لاتعقل؟؟ إنها دعوة المظلوم سرت بليل...غفلنا عنها ولم يغفل الله عنها سبحانه

القاضي: المتهم سعيد سعد علي...اتفضل.

سعيد: يا فندم انا عايز أقول لحضرتك إن النيابة كانت محدده يوم علشان جلسة العرض ثم فوجئنا بوضعنا للمثول امام المحكمة العسكرية وده يدل على إن القضية سارت في اتجاه سياسي وليس اتجاه قانوني ، وهناك جهات قامت بتلفيق التهم دي واحنا لا نريد للمحكمة العسكرية أن تحمل وزر هذا التلفيق امام الله..

يا فندم انا عندي بيان من امن الدولة إن الأموال التي تم رصدها عندي كانت 900 جنيه فقط !! هل 900 جنيه دول هم أموال الغسيل.. ده حتى واحد من أفراد أمن الدولة قال: 900 جنيه دول مش كفاية حتى للتشطيف مش الغسيل!!

التهمة الأخرى الموجه ليا هي حيازة منشورات ومطبوعات ثبت إن الخط الموجود فى الورق مش خطي وإن الورق ده ميخصنيش انا ، لكن برضه القضية زي ماهي

"ولا تحسبن الله غافلا عما يعمل الظالمون إنما يؤخرهم ليوم تشخص فيه الأبصار".

القاضي: المتهم جمال شعبان...اتفضل.

جمال: أنا يا فندم مقيم أصلا في اسكندرية ، ولكن انا تركت اسكندرية نظرا لإن المرتب اللى كنت بقبضه هناك كان غير كاف ، وأنا ولادي في مدارس خاصة ، لذلك كان قدامي حلين ، يا إما أسيب اسكندرية وانزل [[القاهرة]] أشتغل بمرتب اكبر يا إما أطلع عيالي من المداراس الخاصة لمدارس حكومية ، ولما سافرت [[القاهرة]] في[[2006]] اشتغلت موظف في شركة سلسبيل ، ولم يكن لي مقر سكن فقررت المبيت في الشركة وفي مرة جاء أفراد أمن الدولة للشركة وتم القبض عليا منها وانا بايت هناك بالرغم من إن اسمي ماكانش موجود أصلا في القضية.

حتى أنا سمعت الظابط بيتصل بناس يقوللهم: أنا لقيت موظف بايت في الشركة أجيبه معايا؟؟
قالوله: جيبه معاك.

واسمي ماكانش موجود اصلا في اللى مطلوب القبض عليهم...ودلوقتي أنا متحول للمحكمةالعسكرية.

القاضي: المتهم محمد علي بشر...اتفضل.

بشر: أنا يا فندم أستاذ بكلية الهندسة جامعةالمنوفية...جابوني من الكلية وقبضوا عليا ، قلتلهم أنا أيه تهمتي؟ قالولي: غسيل أموال ، ولما ملاقوش عندي أي أموال في البيت اتهموني بالمشاركة في غسيل الأموال (مش عارف يعني أيه المشاركة في الغسيل؟؟)

يا فندم بيتردد كلام في وسطنا ونتمنى إنه ميكونش صحيح إن التعجيل في القضية ومحاكمتنا امام القضاء العسكرية اتعمل علشان يغطي على أخطاء قانونية جسيمة في إجراءات سير القضية واحنا نهيب بكم عدم المشاركة في العملية دي يا سيادة القاضي.

([[الإخوان]] من القفص: يا سيادة القاضي إحنا أول امبارح صدر قرار بالإفراج عننا وبقاءنا فى السجن هنا امام حضرتك غير قانوني)

القاضي: صدر قرار بمعارضة الإفراج للمتهمين المفرج عنهم...واتعمل محضر ضبط وإحضار ليهم بعد ما تم الإفراج عنهم وتم إعادتهم للحبس

(هنا يثور كل المعتقلين داخل الحبس: لم يتم الإفراج عننا أصلا..ومتعملش محضر ولا حاجة, وهما قالولنا عربية الترحيلات جت وهتنقلكوا لخارج السجن وبعدين ركبنا العربية نص ساعة تلف بينا خارج سور السجن وتم إعادتنا تاني داخل السجن...يبقى اتعملنا المحضر امتى؟؟)

[[خيرت الشاطر|الشاطر]]: يا سيادة القاضي لا يجوز إصدار أمر بالضبط والإحضار إلا في حالة توجيه تهم جديدة لينا وده محصلش!!

يا فندم اللي بيحصل ده دلوقتي كذب وتلفيق يسأل عنه رئيس الدولة, ويوم ما تجيله مصيبة تصيبه هو أو تصيب عياله ويفتكر ربنا..ساعتها يعرف إن ده ذنب [[خيرت الشاطر]] واللي معاه.

[[أيمن عبدالغني]]: يا فندم إزاي ضبط وإحضار واحنا لسة في السجن ما خرجناش؟؟

القاضي: طيب نتابع الاستماع...المتهم أمير بسام..اتفضل.

[[أمير بسام]]: أنا يا فندم أول ما اتمسكت كنت متهم بتنظيم مظاهرات وقت صلاة العيد .. مش عارف إزاي مظاهرات وقت صلاة العيد .. وبعديها اتاخدت وودوني سجن وادي النظرون... وهناك قالولي إن في قضية غسيل الأموال [[الإخوان]] متهمين بيها وإنت معاهم ..

قلت : الحمدلله...الفقر ليه عوزة والله .. أول مرة هفلت من قضية منسوبة [[للإخوان]] لإنى معنديش فلوس أصلا واستحالة يتم اتهامي بالغسيل..لكني فوجئت إن اسمي تبع الأسماء المتهمة بالغسيل.
القاضي: المتهم محمود عبدالجواد...اتفضل.

عبدالجواد: يا فندم أنا خريج حقوق جامعة [[القاهرة]]...لكني كملت عملي في مجال مناحل وعسل النحل وتفوقت في المجال ده, لكن طوال فترة عملي منذ تخرجي حتى الآن وانا أتعرض للملاحقة الأمنية المستمرة , انا اعتقلت 8 مرات, وتعسف , وحرمان من التعيين...إلخ

)دي يا فندم خصومة سياسية مع النظام الفاسد...وأنا أرجو ان يخاف المدعي العام من الله أكثرمما يخاف من أي أحد

ومن الناس من يتخذ من دون الله أندادا يحبونهم كحب الله, والذين آمنوا أشد حبا لله, ولو يرى الذين ظلموا إذ يرون العذاب أن القوة لله 

(جميعا وأن الله شديد العذاب, إذ تبرأ الذين اتبعوا من الذين اتبعوا ورأوا العذاب وتقطعت بهم الأسباب
يا سيادة القاضي...إحنا معندناش حاجة نخاف عليها...إحنا بعنا انفسنا لله ثم لهذا الوطن, ولكني أخشي عليكم إنتم من موقف يفر المرء فيه من اخيه وأمه وأبيه...يا فندم والله أنا أخشى عليك أنت.

متخافوش إننا نهرب من البلد ونسيبها...إحنا قاعدين في البلد دي ومش هنسيبها إلا لما نصلحها.

"وأفوض أمري إلى الله...فوقاه الله سيئات ما مكروا وحاق بآل فرعون سوء العذاب, النار يعرضون عليها غدوا وعشيا ويوم تقوم الساعة أدخلوا آل فرعون أشد العذاب

القاضي: المتهم محمود أبوزيد...اتفضل.

أبوزيد: انا واحد من ال16 اللي حصل معاهم أعجوبة الأعاجيب اللي ملهاش مثيل في أي قضاء في العالم ، إنى أتعرض عالمحاكمة وأنا أصلا النيابة مشفتنيش ولا مرة ولا اتحقق معايا ، احنا كل جريمتنا إننا بنقول للظالم في وشه إنت ظالم ، ونقول للحرامي إنت حرامي...وده اللي اتربينا عليه في دينا... والبلد دي بلدنا.

أنا مش مجرم علشان اتحبس احتياطي ويقولوا يتم حجزه خوفا من الهرب ، انا دكتور في جامعة [[القاهرة]] كلية الطب ، ومنزلي معروف وعيادتي معروفة.

القاضي: المتهم أحمد عز الدين....اتفضل.

أحمد عز: يا فندم أنا كل جريمتي إني صحفي ما بيحبش الحال المايل...مخفتش أقول للظالم إنت ظالم ، مبعرفش أداهن ولا أوالس زي كتير من الصحفيين الموجودين ، وعلشان كدة اتقفلت الجريدة اللى كنت بعمل فيها (الشعب)

بعديها سافرت الكويت وكنت مدير تحرير لأكبر مجلة بتصدر هناك ولما رجعت كان ليا متعلقات في الكويت...وبعديها لما جيت أرجع عالكويت جالي ظابط أمن الدولة وقاللي: إزاي تسافر من غير ما تاخد إذني؟؟

برغم من إن معايا تأشيرة خروج ومفيش مشاكل...أنا مستغرب يعني أيه آخد إذن أمن الدولة قبل ما أسافر؟؟!!

القاضي: المتهم أيمن عبدالغني....اتفضل.

[[أيمن عبدالغني]]: يا فندم انا تم اعتقالي عن طريق أفراد أمن الدولة..وبعديها تم الإفراج عني من محكمة الجنايات وبالتالي أصبح لا يجوز حبسي احتياطيا..

وبالتالي أنا المفروض آجي هنا وأقف قدام حضرتك خارج القفص مش أقف محبوس...أما مثولي أمام حضرتك داخل القفص فده وضع خطأ ، ثم تم تحدي إرادة القضاء وتم اعتقالي مرة أخرى بدون وجه حق...يا فندم دي جريمة إنى أظل في السجن رغم قرار الإفراج عني و فأرجو من سيادتك إخراجي من هذا القفص فورا.

القاضي: المتهم صلاح الدسوقي...

أنا اعتقلت العام الماضي بالتهم الملفقة ضدي وتحفظوا على أموالي...ثم أحلت إلى المحاكمة العسكرية دون التحقيق معي أنا و15 واحد غيري, ولذلك فلا يجوز إني أقف قدام سيادتك إلا لما أقف قدام النيابة...

غدا نقف أمام محكمة العدالة الإلهية أنا وانت أمام الله...

"وَبَرَزُوا لِلَّهِ جَمِيعًا فَقَالَ الضُّعَفَاءُ لِلَّذِينَ اسْتَكْبَرُوا إِنَّا كُنَّا لَكُمْ تَبَعًا فَهَلْ أَنْتُمْ مُغْنُونَ عَنَّا مِنْ عَذَابِ اللَّهِ مِنْ شَيْءٍ قَالُوا لَوْ هَدَانَا اللَّهُ لَهَدَيْنَاكُمْ سَوَاءٌ عَلَيْنَا أَجَزِعْنَا أَمْ صَبَرْنَا مَا لَنَا مِنْ مَحِيصٍ"(٢١)

يا فندم أنا أربأ بالقاضي الذي يخشى الله ..يا سيادة القاضي النبي صلى الله عليه وسلم قال:

{ القضاة ثلاثة ، اثنان في النار وواحد في الجنة : رجل عرف الحق فقضى به فهو في الجنة ، ورجل قضى بين الناس بالجهل فهو في النار ، ورجل عرف الحق فجار فهو في النار }

القاضي: المتهم عصام عفيفي....اتفضل.

عفيفي: أنا يا فندم أستاذ كيمياء حيوية بجامعة الأزهر ، والسنة اللي فاتت قضيت 5 أشهر برة [[مصر]] أستاذ زائر في جامعات مختلفة ، وانا ولله الحمد على علاقة كويسة بكل الأفراد في كليتي بداية من العميد وحتى أصغر أستاذ في الكلية ، ولأنى في النقابة فخدماتي متاحة للكل وانا أسوة طيبة ولله الحمد في مجال عملي بشهادة الجميع...واللي بيحصلنا ده يا فندم ظلم بيّن

والظلم زي ما قال رسول الله " الظلم ثلاث دواوين، فديوان لا يغفر الله منه شيئا,وديوان لا يترك الله منه شيئا, وديوان لا يعبأ الله به شيئا,فأما الديوان الذي لايغفر الله منه شيئا فهو الشرك, فإن الله يغفر أن يشرك به, واما الديوان الذي لا يترك الله منه شيئا فهو ظلم العباد بعضهم بعضا " فإن الله لابد أن ينصف المظلوم من الظالم ، وأما الديوان الذي لا يعبأ الله به شيئا فهو ظلم العبد نفسه فيما بينه وبين ربه"

القاضي: أ/ممدوح الحسيني...اتفضل.

الحسيني: أنا قبض عليا يوم 14/12 وليس ليا أي علاقة بالتهم الموجهة ليا ، بعديها حكمت المحكمة بالإفراج الفوري عني ولم ينفذ...أخدت أمر إفراج تاني وبرضه لم ينفذ!!

يا فندم المحكمة العسكرية ملها ومالنا..التهم تلفق ويتم النظر فيها ويفرج عنا...احنا ظننا إن العصر اللي يحال فيه المدنيين للقضاء العسكري انتهى..لكن تم إحالتنا أهو للعسكرية.
النيابة العسكرية وجهت ليا اتهامات...

القاضي (مقاطعا): النيابة لم تعلن أي اتهامتا والمتهم برئ حتى تثبت إدانته....

نتابع السماع..أ/محمد مهنّى...اتفضل.

مهنّى (بانفعال): يا سعادة القاضي أنا ابني اللى عنده 3 سنين هنا أهو واقف ورا السلك بيقوللي انا عايزك يا بابا, إنت أيه اللى جايبك...رد عليه يا سيادة القاضي..

يا سيادة القاضي أنا مقبوض عليا ومتهم بإني من قيادات [[الإخوان]] المسلمين..يا فندم أنا أقل فرق موجود بيني وبين أصغر واحد هنا 15 سنة...قيادات أيه بس يا فندم؟؟

يا سيادة القاضي أنا أبويا مات وأنا في السجن...واتمنعت إني أخرج في جنازته
مراتي ولدت ومشفتش ابني اللي لسة مولود ...

يا جماعة انا ببشر كل شاب موجود هنا بيصلي وبيصوم إنه هيتحبس وهييجي هنا مكاني..أما اللى بيتعاون مع إسرائيل فيقف ويرفع علامة النصر بإيده لأنه عارف إن إسرائيل مش هتسيبه وهتقف جنبه.

يا سعادة القاضي أنا أيه اللي يخليني أتحبس 4 أشهر ظلم من غير سبب...
أنا بوعدك يا فندم إنى لو فضلت هنا في السجن يوم واحد زيادة...هتوصلك مني كل يوم دعوة على الظالم.

القاضي: أ/سيد معروف...اتفضل.

سيد معروف: يا فندم انا مدير في شركة عمرافندي....وأنا تم اعتقالي زي الزملاء عن طريق أمن الدولة..وانا أبرأ بالقضاء العسكري إنه يظلمنا او يشارك في هذه القضية السياسية ضدنا.

القاضي: أ/فتحي بغدادي...

أنا يا سيادة القاضي هاخد منحى تاني في كلامي غير اللي الزملاء أخدوه لأنهم استفاضوا بما فيه الكفاية ولن أكون ابلغ منهم فيما قالوه..

إحنا يا فندم قعدنا 3 عقود في القرن الماضي نضحك على مسرحية شاهد مشافش حاجة وده لنجاح المسرحية في تصوير تلفيق القضايا وغيره ، لكني أخشى إن تكون مسرحية القرن الـ21 هي "النيابة مشفتش حاجة"...بعد يا فندم ما تم عرض 16 واحد عالمحكمة دون عرضهم على النيابة أصلا..يا فندم 4 شهور لحد دلوقتي وأنا معتقل بدون سبب.

زي الناس اللي أخدوا أول امبارح حكم بالإفراج ، فأخدتهم عربية الترحيلات خارج سور السجن لمدة نص ساعة في انتظار يجيلهم قرار بإعادة الاعتقال..وبالفعل تم اعتقالهم مرة اخرى.

القاضي: أ/مصطفى سالم ...اتفضل.

مصطفى سالم: يا فندم إحنا متهمين بتعطيل الدستور, وأنا يا فندم حاصل على قدوة حسنة من وزارة الدفاع...وحاصل على شهادة التقدير من وزارة الثقافة في المجال الكشفي (مش عارف أعمل أيه تاني علشان ابقى واحد مش بيعطل الدستور؟؟)

النيابة كمان بتتهمني بالانتماء لجماعة محظورة..والنيابة وجهتلى التهمة دي ونفيتها ، مع إنى مش شايف إن الجماعة دي محظورة ولا حاجة..وليها 88 نائب في البرلمان بتاع الدولة.

يا فندم ده عاطف الحسيني ظابط امن الدولة قاللي وهو بيحقق معايا : ورحمة أمي لأدخلك محكمة عسكرية (والله العظيم حصل يا فندم إنه قاللي كدة)...ولما جت أول محاكمة عسكرية [[للإخوان]] لقيت بالفعل إسمي في المحالين للمحكمة.

يا فندم حضرتك بتقول إن احنا تم الإفراج عننا وبعد ما خرجنا اتعملنا محضر ضبط وإحضار وتم اعتقالنا مرة تانية...طيب انا يا فندم بطلب من حضرتك إنك تقولي تم إحضارنا منين والساعة كام؟؟...ها يا فندم مستني رد حضرتك؟

القاضي: طيب اتفضل وهقولك بعدين...كمل

مصطفى سالم: لا يا فندم معلش بعد إذن حضرتك انا عايز حضرتك توريني دلوقتى المحضر أشوف تم ضبطنا فين وامتى؟

القاضي(ينظر في أوراق المحضر): المحضر بتاريخ 24/4

مصطفى سالم: طب والساعة والمكان يا فندم

[[خيرت الشاطر|الشاطر]]: يا فندم مفيش محضر ضبط وإحضار اتعمل وعلشان كدة انا على يقين إن السيد المدعي العام العسكري كتبه دلوقتي واحنا قاعدين..معلش يا فندم أنا عايز اشوف أصل المحضر بعيني علشان يطمئن قلبي بس..

القاضي: يا أستاذ محمد

[[خيرت الشاطر|الشاطر]]: معلش يا فندم سيدنا إبراهيم قال ولكن ليطمئن قلبي...أنا كمان عايز يطمئن قلبي...عايزين نعرف المكان والساعة

القاضي: مش مكتوب عندي ساعة

[[أيمن عبدالغني]]: يبقى الإجراءات ناقصة يا فندم...مفيش حاجة اسمها محضر ضبط وإحضار منغير مكان وتوقيت...يا فندم ككدة لازم يتم الإفراج عننا لوجود قصور في الإجراءات.

القاضي (بانفعال): يا أساتذة أي قصور في الإجراءات هيكون في صالح المتهم طبعا لكن مش دلوقتي لما نحكم في القضية.

[[خيرت الشاطر|الشاطر]]: يا فندم نطلب الاطلاع دلوقتي حالا على أصل المحضر

القاضي: حاضر هتطلعوا عليه وهتشوفوه...بس اطمئن.

(هيصة من الحضور و[[الإخوان]] داخل القفص وتتعالى الأصوات والكلمات من داخل الحبس

القاضي: قررت المحكمة العسكرية العليا تأجيل الحكم في القضية إلى يوم 3/6/[[2007]]

(هتافات من داخل القفص: حسبنا الله ونعم الوكيل....والحضور والأهالي يرددون بانفعال حسبنا الله ونعم الوكيل)

ينصرف القاضي ومن معه والمدعي العام

ويستمر الأهالى في الهتاف ثم يذهيون إلى القفص للسلام واووداع.

انتهت الجلسة.....

==المصدر==
*'''تقرير:'''[http://ensaa.blogspot.com.eg/2007/04/blog-post_8719.html مشاهد من المهزلة]'''موقع: ensaa.blogspot'''

[[تصنيف:تصفح الويكيبيديا]]
[[تصنيف:أحداث معاصرة]]
[[تصنيف:ensaa.blogspot]]